بزه. : عبود مشتهيه اروح العمرة بالعشر الأواخر الصلاة بالحرم تشوق
عبود: اي والله يبيله خل أحجز حق باچر
بزه. : صج؟ خووش خبر بس على اي طيران ؟
عبود: الكويتية أكيد بعد اي طيران تبين ؟ البرتش مثلا !!
بزه  : عبوود قلنا بنروح العمرة مو نستشهد !

مشكورين على متابعتكم لنا و نشوفكم بعد رمضان .
تقبل الله أعمالكم و عساكم من العايدين .

فريق العمل
طلال ابل @tilo_
عبدالله بوعيده @eng3bod
رائد العلبان @choki1881

عبود.: منو اللي زايرتنا اليوم ؟
بزه.  : هاو هذه مضاوي شفيك !!
عبود : مضاوي ما غيرها!! ما عرفتها والله
بزه. : اسكت خلني ساكته حدي مقهورة توها راده من لبنان و ايران راحت سوت عمليات تجميل
عبود : اي تغيرت وايد صارت صاروخ
بزه  : احم احم نحن هنا ترى ، اغلب البنات الحين چذي! تفخ شفايف غمازات تفخ خدود تصغير خشم رفع خشم يربطون اذونهم
عبود : بزه تكفين عطيني اي صورة لچ قبل ما اعرفچ خل أشوف
بزه. : ماله داعي تشوف كنت چني سلوم رفيجك !!!

حوار @eng3bod
تصوير @choki1881

بزه.  : شفيك تنهت و انت تمشي عبود
عبود.: تصدقين كرشت من رمضان
بزه.  : طايحله لقيمات كل يوم أكيد بتكرش
عبود.: يعني شلون ما نحلي ؟؟
بزه.  : انزين ليش ما تروح النادي ؟
عبود : ماكو وقت .. يالله الحق على القهوة
بزه.  : تروح القهوة و رباده و شيشه أكيد بتكرش ، انزين خفف اكل
عبود : لا يبا .. حلاة رمضان بالأكل
بزه.  : يننتني عيل شسويلك .. شلون تضعف؟
عبود : ها .. سويلنا چاي اخضر و ان شاء الله اضعف
بزه. : و من قالك الچاي الاخضر بسوي ديليت حق الكرش!!!

حوار @tilo_
تصوير @choki1881

بزه.  : عبود صباح الخير
عبود. : هلا بزه
بزه.  : شفيك منفس
عبود. : لاعت چبدي على ما وصلت الدوام بهالزحمة
بزه.  : على قولتهم الزحمة نعمه
عبود. : و فوق هذا المراجعين .. كلهم أغبياء
بزه.  : يمكن ليش مو شارب قهوتك من ستاربكس الكوت مو قادر تشتغل
عبود. : و مديري ياي يحن بعد .. ما يدري ان صايمين
بزه.  : شنو يعني صايم ما تشتغل ؟؟ الشغل عباده و كله اجر
عبود. : انزين انتي وينچ
بزه.  : توني قاعده من النوم .. بشوف حلقات امس اللي طافتني و بعدين بروح النادي تدري صايمه مالي خلق شي
عبود. : !!!! خوش صيام .

حوار @tilo_
تصوير @choki1881

بزه.  : عبود صباح الخير
عبود. : هلا بزه
بزه.  : شفيك منفس
عبود. : لاعت چبدي على ما وصلت الدوام بهالزحمة
بزه.  : على قولتهم الزحمة نعمه
عبود. : و فوق هذا المراجعين .. كلهم أغبياء
بزه.  : يمكن ليش مو شارب قهوتك من ستاربكس الكوت مو قادر تشتغل
عبود. : و مديري ياي يحن بعد .. ما يدري ان صايمين
بزه.  : شنو يعني صايم ما تشتغل ؟؟ الشغل عباده و كله اجر
عبود. : انزين انتي وينچ
بزه.  : توني قاعده من النوم .. بشوف حلقات امس اللي طافتني و بعدين بروح النادي تدري صايمه مالي خلق شي
عبود. : !!!! خوش صيام .

حوار @tilo_
تصوير @choki1881

عبود : شلون مسلسلات السنه ؟
بزه  : والله مو متابعة شي .. بس ساهر الليل يعور القلب و يذكرني بالغزو .
عبود : اي والله صح المخرج دايخ بس القصه حلوه .
بزه.  : اي و الثاني مال الشامية .. فيلم هندي
عبود : مال هبه حماده ؟؟ اي كل سنه چذي تألف على راسنا .. خيالها واسع .
بزه  : و لا يطوفك مال حياة الفهد .. كئيب
عبود.: من له خلق كآبه برمضان
بزه.  : و في قصة عمر بن الخطاب
عبود.: هذا مو حرمووه ؟
بزه.  : اي و بعدين كلهم شافوه
عبود.: بزه بسألچ .. چنه قلتي مو متابعة شي ؟؟

حوار @tilo_
تصوير @choki1881

عبود : شلون مسلسلات السنه ؟
بزه  : والله مو متابعة شي .. بس ساهر الليل يعور القلب و يذكرني بالغزو .
عبود : اي والله صح المخرج دايخ بس القصه حلوه .
بزه.  : اي و الثاني مال الشامية .. فيلم هندي
عبود : مال هبه حماده ؟؟ اي كل سنه چذي تألف على راسنا .. خيالها واسع .
بزه  : و لا يطوفك مال حياة الفهد .. كئيب
عبود.: من له خلق كآبه برمضان
بزه.  : و في قصة عمر بن الخطاب
عبود.: هذا مو حرمووه ؟
بزه.  : اي و بعدين كلهم شافوه
عبود.: بزه بسألچ .. چنه قلتي مو متابعة شي ؟؟

حوار @tilo_
تصوير @choki1881

عبود. : بزه عندي لچ مفاجأة ..
بزه.  : شنو ؟؟
عبود. : حجزت حق لبنان بالعيد .
بزه.  : لبنان وايد زحمه و كلها خليجيين ..
عبود. : أخاف الافنيوز اللي كله أمريكان ..
بزه.  : انزين نروح بس بشرط زهب فلوسك ابي اتسوق
عبود. : ماكو سوق .. بنروح الاماكن التاريخية و المتاحف .
بزه.  : شنو؟؟ روح بروحك انا ما راح اطلع من السوليدير .
عبود. : الشرها على اللي يفكر فيچ .. خلچ بالافنيوز عيل .

حوار @tilo_
تصوير @choki1881

عبود. : بزه عندي لچ مفاجأة ..
بزه.  : شنو ؟؟
عبود. : حجزت حق لبنان بالعيد .
بزه.  : لبنان وايد زحمه و كلها خليجيين ..
عبود. : أخاف الافنيوز اللي كله أمريكان ..
بزه.  : انزين نروح بس بشرط زهب فلوسك ابي اتسوق
عبود. : ماكو سوق .. بنروح الاماكن التاريخية و المتاحف .
بزه.  : شنو؟؟ روح بروحك انا ما راح اطلع من السوليدير .
عبود. : الشرها على اللي يفكر فيچ .. خلچ بالافنيوز عيل .

حوار @tilo_
تصوير @choki1881

بزه.  : عبوود بشتري قرقيعان عطني فلوس .
عبود : حاضر .. لازم تشتري قرقيعان .. چم تبين ؟؟
بزه.  : ٥٠٠ دينار ..
عبود : شنو ؟؟ شفيه الصيداوي .. ب خمس دنانير .
بزه.  : الصيداوي حق عيال الفريج .
عبود : و انتي تبين حق منو ؟
بزه.  : بنات عمي و صديقاتي و بنات الدوام
عبود : بس هذييله مو يهال !!
بزه.  : اي ادري .. بس ابي أتفلسف عليهم :)

و تدبس عبود ب ٥٠٠ دينار .

حوار @tilo
تصوير @choki1881